തിരുവനന്തപുരം മൃഗശാലയില് ഹനുമാന് കുരങ്ങ് പുറത്ത് ചാടി, അക്രമ സ്വഭാവമുള്ളത്, ജാഗ്രതാ നിര്ദ്ദേശം
തിരുവനന്തപുരം : തിരുവനന്തപുരം മൃഗശാലയില് ഹനുമാൻ കുരങ്ങ് കൂടിന് പുറത്ത് ചാടി. പുതിയതായെത്തിച്ച ഹനുമാൻ കുരങ്ങാണ് കൂടിന് പുറത്ത് ചാടിയത്.
അക്രമ സ്വഭാവമുള്ളതിനാല് പ്രദേശത്ത് ജാഗ്രതാ നിര്ദ്ദേശം നല്കി. പുതുതായി എത്തിച്ച മൃഗങ്ങളെ സന്ദര്ശകര്ക്ക് കാണാനായി തുറന്ന് വിടുന്ന ചടങ്ങ് മറ്റന്നാള് നടക്കാനിരിക്കെ, അതിന് മുന്നോടിയായി കൂട് തുറന്ന് പരീക്ഷണം നടത്തിയപ്പോഴാണ് കുരങ്ങ് ചാടിപ്പോയത്. ജീവനക്കാര് തിരച്ചില് ആരംഭിച്ചു.
പുതിയതായി എത്തിയ മൃഗങ്ങളെ കൈകാര്യം ചെയ്യുന്നതില് മൃഗശാല അധികൃതര്ക്ക് ഗുരുതര വീഴ്ചയുണ്ടായെന്നാണ് വിലയിരുത്തല്.