യുവതിയോട് ലൈംഗികാതിക്രമം നടത്തിയ പ്രതി പിടിയില്‍
ഓച്ചിറ: യുവതിയോട് ലൈംഗികാതിക്രമം നടത്തിയ പ്രതി പിടിയില്‍. അഴീക്കല്‍ ഗോപാലശ്ശേരില്‍ വീട്ടില്‍ ഹരിക്കുട്ടൻ എന്ന സരസജൻ (50) ആണ് ഓച്ചിറ പൊലീസിന്‍റെ പിടിയിലായത്.
വെള്ളിയാഴ്ച രാത്രി 8.30ഓടെ നടന്നുപോകുകയായിരുന്ന യുവതിയെ തടഞ്ഞുനിര്‍ത്തി സരസജൻ ഉപദ്രവിക്കുകയും ലൈംഗികാതിക്രമം നടത്തുകയുമായിരുന്നു.
യുവതി നല്‍കിയ പരാതിയുടെ അടിസ്ഥാനത്തില്‍ ഇയാള്‍ക്കെതിരെ മാനഭംഗ ശ്രമത്തിന് കേസ് രജിസ്റ്റര്‍ ചെയ്തിട്ടുണ്ട്.
കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.