വീട്ടിൽ നിന്നും കാണാതായ താമരശ്ശേരി; കാരാടി സ്വദേശിയെ; ലോഡ്ജ് മുറിയിൽ മരിച്ച നിലയിൽ കണ്ടെത്തി
കോഴിക്കോട്: വീട്ടിൽ നിന്നും കാണാതായ താമരശ്ശേരി കാരാടി സ്വദേശിയെ ലോഡ്ജ് മുറിയിൽ മരിച്ച നിലയിൽ കണ്ടെത്തി. തിങ്കളാഴ്ച മുതൽ കാണാതായ കാരാടി നീലഞ്ചേരി അരുണോദയത്തിൽ സത്യപ്രകാശി(59)നെ ആണ്, താമരശ്ശേരി കത്തീഡ്രൽ ചർച്ചിന് സമീപത്തെ ലോഡ്ജ് മുറിയിൽ മരിച്ച നിലയിൽ കണ്ടെത്തിയത്. കാണാതായതിനെ തുടർന്ന് സത്യപ്രകാശിനായി തെരച്ചിൽ നടത്തി വരികയായിരുന്നു. ബന്ധുക്കൾ താമരശ്ശേരി പൊലീസിൽ പരാതി നൽകി. തുടർന്ന് മൊബൈൽ ഫോൺ ലൊക്കേഷൻ കേന്ദ്രീകരിച്ച് പൊലീസ് അന്വേഷണം നടത്തി. ഇതോടെയാണ് സത്യപ്രകാശിനെ ലോഡ്ജ് മുറിയിൽ മരിച്ച നിലയിൽ കണ്ടെത്തിയത്. മരണ കാരണം ഉള്‍പ്പെടെ പൊലീസ് അന്വേഷണം തുടരുകയാണ്.