കിം ജോങ്ങ് ഉൻ – ആളൊരു കേമൻ തന്നെ…

സമീപകാലത്ത് നമ്മുടെ നാട്ടിലും രാജ്യത്ത് പലയിടങ്ങളിലും നടന്നതായി പറഞ്ഞു കേൾക്കുന്ന വാർത്തകൾ വച്ചുനോക്കുമ്പോൾ, ഉത്തരകൊറിയൻ ഏകാധിപത്യ ഭരണാധികാരി കിം ജോങ്ങ് ഉൻ നല്ല ഒന്നാന്തരം മാതൃക പുരുഷനായി തെരഞ്ഞെടുക്കാവുന്ന ആളാണ്. രാജഭരണ രീതിയിൽ അധികാരത്തിൽ തുടരുന്ന ഈ മഹാൻ ലൈംഗിക ബന്ധത്തിന് അടക്കം ഓരോ വർഷവും രാജ്യത്ത് പലസ്ഥലങ്ങളിൽ നിന്നായി തെരഞ്ഞെടുത്ത 25 കന്യകകളെയാണ് കൊട്ടാരത്തിൽ താമസിപ്പിച്ച് ചെലവിനു കൊടുക്കുന്നത്. ഇപ്പോൾ ഏറ്റവും ഒടുവിൽ നമ്മുടെ മുന്നിലേക്ക് എത്തിയിരിക്കുന്ന വാർത്ത പശ്ചിമബംഗാളിലെ ഗവർണർ രാജഭവനിൽ വച്ച് ഒരു യുവതിയെ പീഡിപ്പിച്ചു എന്നതാണ്. ഇത് ശരിയോ തെറ്റോ എന്ന വ്യക്തമാക്കിയിട്ടില്ല ഏതായാലും ഇത്തരം സംഭവങ്ങൾ കേരളത്തിലും രാജ്യത്തെ മറ്റു പലയിടങ്ങളിലും തുടരെത്തുടരെ ഉണ്ടാകുന്നു എന്നത് ഒരു വസ്തുതയാണ്. സാഹചര്യം ഇതാണെങ്കിൽ വെറുതെ പാടുപെട്ട് പൊളിച്ചും പാത്തും ഇതൊക്കെ നടത്തുന്നതിന് ഉള്ള ബുദ്ധിമുട്ട് ഒഴിവാക്കി എടുക്കാൻ ഉത്തര കൊറിയൻ ഭരണാധികാരിയുടെ മാതൃക കേരളത്തിലും നമ്മുടെ രാജ്യത്തും നടപ്പിൽ വരുത്തിയാൽ നല്ലതാണ് എന്ന് അഭിപ്രായമാണ് ഞങ്ങൾക്കുള്ളത്.

ഉത്തരകൊറിയൻ ഭരണാധികാരിയായ ഏകാധിപതി കിം ജോങ്ങ് നടത്തിക്കൊണ്ടിരിക്കുന്ന ഈ ലീലാവിലാസങ്ങൾ പുറത്തുവിട്ടത് ഒരു ബ്രിട്ടീഷ് പത്രം ആണ്. ഡെയിലി സ്റ്റാർ എന്ന പത്രമാണ് കിമ്മിന്റെ ലൈംഗിക പ്രയോഗങ്ങളുടെ വാർത്തകൾ പുറത്തുകൊണ്ടുവന്നത്. ഈ കാര്യത്തിൽ കിമ്മിനെ ഒരുതരത്തിലും കുറ്റപ്പെടുത്തേണ്ട കാര്യമില്ല. കിം അധികാരമേൽക്കുന്നതിന് മുൻപ് അദ്ദേഹത്തിൻറെ പിതാവ് തുടങ്ങിയതാണ് ഈ ഏർപ്പാട്. 1970 ലാണ് കൊട്ടാരത്തിൽ ഭരണാധികാരിയുടെ ലൈംഗിക സുഖങ്ങൾക്കുവേണ്ടി പെൺകുട്ടികളെ നിയമിക്കുന്ന ഏർപ്പാട് തുടങ്ങിയത്. ഓരോ വർഷവും രാജ്യത്തിൻറെ വിവിധ ഭാഗങ്ങളിലെ സ്കൂളുകളിലും കോളേജുകളിലും കൊട്ടാരത്തിൽ നിന്നുള്ള സംഘം പരിശോധന നടത്തി, ഏറ്റവും സുന്ദരികളായ കൗമാരക്കാരെ കൊട്ടാരത്തിലേക്ക് കൊണ്ടുപോകുന്ന ഏർപ്പാടാണ് തുടങ്ങിവച്ചത്. 25 അംഗങ്ങളുള്ള പ്ലഷർ സ്ക്വാഡ് എന്ന് പേരിട്ടിട്ടുള്ള സംഘമാണ് ഓരോ വർഷവും പുതിയ പുതിയ പെൺകുട്ടികളെ കൊണ്ട് സജ്ജമാക്കുന്നത്. ഈ പ്രഷർ സംഘത്തിൽ മൂന്ന് വിഭാഗങ്ങൾ ഉണ്ടത്രേ ഒന്നും രണ്ടും വിഭാഗത്തിൽപ്പെടുന്ന പെൺകുട്ടികൾമസാജ് ചെയ്യുക, പാട്ടുപാടുക നൃത്തം ചെയ്യുക തുടങ്ങിയ ജോലികളാണ് ചെയ്യുക. മൂന്നാമത്തെ ഗ്രൂപ്പിൽ പെടുന്ന കൗമാരക്കാരെ ആണ് കിം ലൈംഗിക ബന്ധത്തിനായി ഉപയോഗിക്കുക. ഇത്തരത്തിൽ നിയമിക്കപ്പെടുന്ന പെൺകുട്ടികളുടെ കൂടിയ പ്രായപരിധി ഇരുപത് വയസ്സ് ആണ്. സേവനത്തിന് തയ്യാറാണെങ്കിലും 20 വയസ്സ് എത്തിക്കഴിഞ്ഞാൽ പെൺകുട്ടികളെ ഈ ജോലിയിൽ നിന്നും പുറത്താക്കുകയാണ് ചെയ്യുക. ഇത്തരത്തിലുള്ള സംഘത്തിൽപ്പെട്ട അവിടെ സേവനം നടത്തിയിരുന്ന യയോൻമി പാർക്ക് എന്നാൽ യുവതിയുടെ വെളിപ്പെടുത്തൽ വഴിയാണ് മാധ്യമത്തിന് ഈ വാർത്തകൾ ലഭ്യമായി.

കൊട്ടാരത്തിലെ പ്രത്യേക സംഘം വിവിധ കേന്ദ്രങ്ങൾ സന്ദർശിച്ച് സുന്ദരിമാരായ പെൺകുട്ടികളെ തിരഞ്ഞെടുത്തു കഴിഞ്ഞാൽ, അവരെ മെഡിക്കൽ പരിശോധനയ്ക്ക് വിധേയരാക്കും. കന്യാകമാരാണ് എന്നാ ഉറപ്പാക്കാൻ ഉള്ള പരിശോധനകളാണ് നടത്തുക. തെരഞ്ഞെടുത്ത കഴിഞ്ഞാൽ പെൺകുട്ടികളുടെ കുടുംബ വിവരങ്ങളും രാഷ്ട്രീയമായും മറ്റുമുള്ള ബന്ധവും മറ്റും ഈ അന്വേഷണസംഘം പരിശോധിക്കുന്നു തുടർന്ന് കൊട്ടാരത്തിലെ ഉത്തരവാദിത്തപ്പെട്ട ആൾക്കാർക്ക് റിപ്പോർട്ട് നൽകുന്നു. ഈ റിപ്പോർട്ടുകൾ മുന്നിൽ വച്ചുകൊണ്ട് ഭരണാധികാരി ആയ കിം ജോങ്ങ് തെരഞ്ഞെടുത്ത പെൺകുട്ടികളെ നേരിൽ കണ്ടു ഇഷ്ടം തോന്നുന്നവരെ അവസാനമായി നിയമിക്കുന്നു ഇതാണ് നടക്കുന്ന രീതി.

ലോകത്ത് മറ്റു പല രാജ്യങ്ങളിലും ഒരിക്കലും കണ്ടിട്ടില്ലാത്ത തികച്ചും ഏകാധിപത്യപരവും ധിക്കാരപരവുമായ ഭരണമാണ് കാലങ്ങളായി ഉത്തരകൊറിയയിൽ കിം ജോങ്ങ് കുടുംബം നടത്തിക്കൊണ്ടിരിക്കുന്നത്. അവിടെ രാഷ്ട്രീയവും ഇല്ല തെരഞ്ഞെടുപ്പും ഇല്ല അതുകൊണ്ടുതന്നെ ഭരണാധികാരിയെ ചോദ്യം ചെയ്യാൻ അവസരവും ഇല്ല.

മറ്റു രാജ്യങ്ങളിലെ പോലെ സ്വതന്ത്രമായ മാധ്യമപ്രവർത്തനമോ മാധ്യമങ്ങളോ ഇല്ലാത്തതിനാൽ കിമ്മിൻ്റെ ഒരു ദുഷ്പ്രവർത്തിയും പുറംലോകം അറിയാറില്ല. ഇടയ്ക്ക് ഒരു ഘട്ടത്തിൽ ഭരണാധികാരി ആയയായ കിം മാരകമായ രോഗം ബാധിച്ചു മരണ ശശയ്യയിൽ ആണ് എന്ന തരത്തിലുള്ള വാർത്തകൾ കുറച്ചു നാളുകൾ പുറത്തുവന്നിരുന്നു. ഈ അവസരത്തിൽ ഒന്നും ഒരു പ്രതികരണവും കൊട്ടാരത്തിൽ നിന്നും ഉണ്ടായില്ല ഒരു സുപ്രഭാതത്തിൽ വീഡിയോ പുറത്തുവിട്ടുകൊണ്ട് ആരോഗ്യവാനാണെന്നും ഭരണം കൃത്യമായി നിർവഹിച്ചുകൊണ്ടിരിക്കുകയാണെന്നും കിം ജനങ്ങളോട് ആയി പറഞ്ഞതിനുശേഷം ആണ് അദ്ദേഹത്തിൻറെ മരണം സംബന്ധിച്ച വാർത്തകൾക്ക് അവസാനം ഉണ്ടായത്.

ഏതായാലും ഉത്തരകൊറിയൻ ഭരണാധികാരിയുടെ വ്യക്തിപരമായ നടത്തുന്ന ചില ശീലങ്ങൾ സമീപകാലത്ത് നമ്മുടെ കേരളത്തിലും മറ്റു പല സ്ഥലങ്ങളിലും ഭരണത്തിലുള്ള രാഷ്ട്രീയക്കാരിലും ഉദ്യോഗസ്ഥ മേധാവികളിലും ബാധ പോലെ പിടികൂടപ്പെടുന്നുണ്ട് എന്ന് പലപ്പോഴായി പുറത്തു വന്നിട്ടുള്ള വാർത്തകളിൽ നിന്നും വ്യക്തമാകുന്നുണ്ട്. ഇത്തരം ആൾക്കാർക്ക് മാതൃകാ പുരുഷനായി സ്വീകരിക്കാവുന്ന ഒരു ഭരണാധികാരിയാണ് ഉത്തരകൊറിയയിലെ രാജാവായ കിം ജോങ്ങ് ഉൻ എന്നാണ് ഞങ്ങളുടെ അഭിപ്രായം ആർക്കുവേണമെങ്കിലും ഞങ്ങളുടെ അഭിപ്രായം സ്വീകരിക്കാം അല്ലെങ്കിൽ തള്ളിക്കളയാം.