ട്രെയിന്‍ യാത്രയ്ക്കിടെ ബെര്‍ത്ത് പൊട്ടി വീണ് പൊന്നാനി സ്വദേശിയ്ക്ക് ദാരുണാന്ത്യം. മാറഞ്ചേരി സ്വദേശി എളയിടത്ത് മാറാടിക്കല്‍ അലി ഖാന്‍ ആണ് മരിച്ചത്.
ചൊവ്വാഴ്ച രാത്രിയാണ് ഡല്‍ഹിയിലേക്കുള്ള യാത്രക്കിടെ തെലുങ്കാന വാറങ്കലില്‍ അപകടമുണ്ടായത്. മധ്യഭാഗത്തെ ബര്‍ത്ത് അലിഖാന്‍ കിടന്ന താഴത്തെ ബര്‍ത്തിലേക്ക് പൊട്ടിവീണാണ് അപകടമുണ്ടായത്.
റെയില്‍വേ അധികൃതര്‍ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
കഴുത്തിലും നട്ടെല്ലിനും ഗുരുതരമായി പരുക്കേറ്റിരുന്നു.