കൊച്ചി : കാക്കനാട് സ്വകാര്യ വ്യക്തിയുടെ ഉടമസ്ഥതയിലുള്ള ജിയോ ഇന്‍ഫോപാര്‍ക്ക് എന്ന ഐടി സ്ഥാപനത്തില്‍ വന്‍ തീപിടിത്തം.
പോലീസ് സ്‌റ്റേഷന് എതിര്‍വശത്തായി പ്രവര്‍ത്തിക്കുന്ന ഹോട്ടലിന് പിന്നിലെ കെട്ടിടത്തിനാണ് തീപ്പിടിച്ചത്. ജിയോ ഇന്‍ഫോടെക് എന്ന സ്വകാര്യ സ്ഥാപനത്തിന്റെ കെട്ടിടമാണിത്. ഇന്നലെ വൈകിട്ട് ആറു മണിയോടെയാണ് തീപിടിത്തം ഉണ്ടായത്. തൃക്കാക്കര, ഗാന്ധിനഗര്‍ ഫയര്‍ സ്റ്റേഷനുകളില്‍ നിന്നുള്ള അഗ്നിരക്ഷാ സേന യൂണിറ്റുകളെത്തി തീ നിയന്ത്രണവിധേയമാക്കി. കെട്ടിടത്തിനുള്ളിലുണ്ടായിരുന്ന ഏതാനും ജീവനക്കാര്‍ ഗ്ലാസ് വാതിലുകള്‍ തകര്‍ത്ത് പുറത്തിറങ്ങിയതായെന്ന് ദൃക്സാക്ഷികള്‍ പറയുന്നു.