കോഴിക്കോട്: മെഡിക്കല് കോളേജിന് സമീപത്തെ ലോഡ്ജില് അടുത്ത മോഷണം ആസൂത്രണം ചെയ്യുന്നതിനിടെയാണ് അഞ്ചംഗ സംഘം അറസ്റ്റിലായത്. പല ജില്ലകളിലായി നടന്ന നിരവധി മോഷണക്കേസുകളിലെ പ്രതികളാണ് വീണ്ടും അറസ്റ്റിലായത്. കുന്നമംഗലം കോടതിയില് ഹാജരാക്കിയ പ്രതികളെ റിമാൻഡ് ചെയ്തു.
ചക്കിൻകടവ് സ്വദേശി ഫസലുദീൻ എംപി, മകൻ ഫാസില്, ഫസലുദീന്റെ സഹോദരന്റെ മകൻ മുഹമ്മദ് ഷിഹാൻ, ഫാസിലിന്റെ സുഹൃത്തുക്കളായ മാത്തോട്ടം സ്വദേശി അൻഷിദ്, കുറ്റിക്കാട്ടൂര് സ്വദേശി മുഹമ്മദ് തായിഫ് എന്നിവരാണ് പിടിയിലായത്. മോഷണ മുതല് വിറ്റ് ആഡംബര ജീവിതം നയിക്കുകയായിരുന്നു പ്രതികള്. ഡിസിപി കെ ഇ ബൈജുവിന്റെ നിര്ദേശ പ്രകാരം മെഡിക്കല് കോളേജ് എസ്എച്ച്ഒ എംഎല് ബെന്നി ലാലുവും സംഘവുമാണ് പ്രതികളെ പിടികൂടിയത്.