പ്രക്രിയ ലഘൂകരിക്കുന്നതിനായി ഭിന്നശേഷിക്കാര്ക്ക് തെരഞ്ഞെടുപ്പ് സാക്ഷം ആപ്ലിക്കേഷനുമായി തെരഞ്ഞെടുപ്പ് കമ്മീഷന്. ഭിന്നശേഷി വോട്ടര്മാര്ക്ക് രജിസ്ട്രേഷന് പ്രക്രിയ സൗകര്യങ്ങളും പിക് ആന്ഡ് ഡ്രോപ്പ് സൗകര്യങ്ങളും ഉൾപ്പടെ വിവിധ സേവനങ്ങൾ തെരഞ്ഞെടുപ്പ് കമ്മീഷൻ സാക്ഷം ആപ്പ് വഴി നൽകുന്നു. ഒരു സജീവ മൊബൈല് നമ്പറാണ് ഉപയോക്താവിന് ഇ
തിനായി ആവശ്യം. ഗൂഗിള് പ്ലേ സ്റ്റോറിലും ആപ്പിള് സ്റ്റോറിലുമാണ് സാക്ഷം ആപ്പ് ലഭ്യമാകുക. സ്ഥാനാര്ത്ഥികളെ അറിയുക, ഭിന്നശേഷി ആയി അടയാളപ്പെടുത്താനുള്ള അഭ്യര്ഥന, പുതിയ വോട്ടര് രജിസ്ട്രേഷനുള്ള അപേക്ഷ, തിരുത്താനുള്ള അപേക്ഷ, മൈഗ്രേഷനുള്ള അഭ്യര്ത്ഥന, വീല് ചെയറിനുള്ള അഭ്യര്ത്ഥന, സ്റ്റാറ്റസ് ട്രാക്കിംഗ്, ഭിന്നശേഷിക്കാര്ക്കുള്ള സൗകര്യങ്ങള് അറിയുക, ഇലക്ടറല് റോളില് പേര് തിരയുക, പോളിംഗ് സ്റ്റേഷനും ബൂത്ത് ലൊക്കേഷനും അറിയുക, പരാതികള് രജിസ്റ്റര് ചെയ്യുക തുടങ്ങിയ സൗകര്യങ്ങളാണ് സാക്ഷം ആപ്പ് നൽകുക.