ഡല്‍ഹി: മദ്യനയ അഴിമതി കേസില്‍ ഇ ഡിയുടെ അറസ്റ്റിനെതിരായ ഡല്‍ഹി മുഖ്യമന്ത്രി അരവിന്ദ് കെജ്രിവാളിന്റെ ഹര്‍ജി ഇന്ന് പരിഗണിക്കും. ഇ ഡി നടപടി നിയമ വിരുദ്ധമെന്നാണ് ഹര്‍ജിയിലെ വാദം. ജസ്റ്റിസ് സ്വര്‍ണകാന്ത ശര്‍മയുടെ ബെഞ്ചാണ് ഹര്‍ജി പരിഗണിക്കുന്നത്.
കഴിഞ്ഞ 21 ആണ് കെജ്‌രിവാൾ അറസ്റ്റിലായത്. പിറ്റേന്ന് വിചാരണക്കോടതി 28 വരെ ഇ ഡി കസ്റ്റഡിയില്‍ ചോദ്യം ചെയ്യലിന് വിട്ടുനല്‍കി.
ഇഡിയുടെ കസ്റ്റഡിയിലിരിക്കുന്ന സമയത്തും കെജരിവാള്‍ തന്നേക്കുറിച്ചല്ല ചിന്തിക്കുന്നതെന്നും മറിച്ച്‌ ഡല്‍ഹിയിലെ ജനങ്ങളെക്കുറിച്ചാണെന്നും ജലവിഭവ വകുപ്പ് മന്ത്രി അതിഷി പറഞ്ഞിരുന്നു. ഡല്‍ഹിയിലെ ജനങ്ങള്‍ക്കു വേണ്ടിയുള്ള പ്രവര്‍ത്തനങ്ങളില്‍ നിന്നും കെജരിവാളിനെ തടയാൻ കേന്ദ്ര ഏജന്‍സികളുടെ അറസ്റ്റിനൊന്നും സാധിക്കില്ലെന്ന് മന്ത്രി അതിഷി വ്യക്തമാക്കി.