മുകേഷ് ഉൾപ്പടെയുള്ള നടന്മാർക്കെതിരായ പരാതിയിൽ നിന്ന് പിന്മാറുകയാണെന്ന് നടി

മുകേഷ് ഉൾപ്പടെയുള്ള നടന്മാർക്കെതിരായ പരാതിയിൽ നിന്ന് പിന്മാറുകയാണെന്ന് പരാതിക്കാരി.നടി അന്വേഷണ സംഘത്തിന് ഇതുസംബന്ധിച്ച് ഇമെയിൽ അയക്കുമെന്നും മാധ്യമങ്ങളോട് വെളിപ്പെടുത്തി. തനിക്ക് വേണ്ട പിന്തുണ സർക്കാറിന്റ്റെ ഭാഗത്ത് നിന്നും ലഭിച്ചില്ലെന്നും നടി പറഞ്ഞു.നടി തനിക്കെതിരെ ചുമത്തപ്പെട്ട പോക്സോ കേസിൽ സത്യം തെളിയിക്കാൻ സർക്കാർ തയാറായില്ലെന്നും കൂട്ടിച്ചേർത്തു. നടി മുകേഷിനെ കൂടാതെ മറ്റ് ചില നടൻമാർക്കെതിരെയും ആരോപണം ഉന്നയിച്ചിരുന്നു.ആലുവ സ്വദേശിനിയായ നടിയുടെ പരാതി താരസംഘടനയായ ‘അമ്മ’യുടെ എക്സിക്യൂട്ടിവ് അംഗമായിരിക്കെ മുകേഷ് അംഗത്വം വാഗ്ദാനം ചെയ്ത് മരടിലെ വില്ലയിൽ കൊണ്ടുപോയി പീഡിപ്പിച്ചു എന്നതായിരുന്നു. എന്നാൽ,മുകേഷ് കോടതിയിൽ ബോധിപ്പിച്ചത്, 14 വർഷത്തിന് ശേഷം ആരോപണവുമായി വന്നത് തന്റെ രാഷ്ട്രീയ ഭാവിയും സിനിമാജീവിതവും തകർക്കുക എന്ന ദുരുദ്ദേശ്യത്തോടെയാണെന്നും ആരോപണങ്ങൾ അടിസ്ഥാന രഹിതമാണെന്നുമായിരുന്നു. നടൻ കോടതിയിൽ തന്നോട് 11 ലക്ഷം രൂപ ചോദിച്ച് ചാറ്റ് ചെയ്തതിന്റെ ഉൾപ്പെടെ രേഖകളും ഹാജരാക്കിയിരുന്നു.