മാനവീയം വീഥിയുടെ മുഖം മാറുന്നു; സുരക്ഷ ഉറപ്പാക്കാൻ പൊലീസിന് ഹോവറുകൾ കൈമാറി നഗരസഭ

നഗരസഭ പൊലീസിന് മാനവീയം വീഥിയിൽ സുരക്ഷ ഉറപ്പാക്കാൻ ഹോവറുകൾ കൈമാറി.പത്ത് ഹോവറുകൾ സിറ്റി പൊലീസിന് സ്മാർട് സിറ്റി പദ്ധതിയുടെ ഭാഗമായാണ് കൈമാറിയത്.അത്യാധുനിക സംവിധാനം സജ്ജമാക്കിയത് ലഹരി ഉപയോഗിക്കുന്നവരെ കണ്ടെത്താൻ കഴിയും വിധമാണ്. ആളുകളുടെ ഇഷ്ട വീഥിയാണ്. വൈകുന്നേരങ്ങളിൽ ഇവിടെ ഒരു ജനസാന്ദ്രത തന്നെ ഉണ്ട്.കൗമാരക്കാരും,കുടുംബവും അവരോടൊപ്പം കുട്ടികളും ഇവിടെ വന്ന് അല്പസമയം ചിലവഴിക്കാറുണ്ട്.ഇത്കൊണ്ട്തന്നെ മാനവീയം വീഥിയുടെ സുരക്ഷ ഒന്നുകൂടി ഉറപ്പാക്കുകയാണ് തിരുവനന്തപുരം നഗരസഭ.മാനവീയം വീഥിയിൽ രാത്രിയിൽ എത്തുന്നവർക്കും ഹോവറുകൾ സജ്ജമാക്കുന്നതോടെ സുരക്ഷിതമായി സമയം ചിലവഴിക്കാനാകും. മണിക്കൂറിൽ 18 കിലോമീറ്ററാണ് വേഗത, ഒരുതവണ ചാർജ് ചെയ്താൽ തുടർച്ചയായി ഏഴുമണിക്കൂർ പ്രവർത്തിക്കാൻ കഴിയുന്ന തരത്തിലാണ് സജ്ജീകരണം.പരിപാടി ഉത്ഘാടനം ചെയ്ത് മന്ത്രി എം ബി രാജേഷ് മുഖം മിനുക്കുന്ന നഗരത്തിന്റെ സുരക്ഷയും സ്മാർട്ടാകാൻ ഹോവറുകൾ സഹായമാകുമെന്ന് പറഞ്ഞു.ലഹരി ഉപയോഗിച്ചവരെ കണ്ടെത്താൻ സഹായിക്കുന്ന സാങ്കേതിക സംവിധാനങ്ങൾക്ക് പുറമെ മോഷണശ്രമം തടയാനുള്ള ആന്റി തെഫ്റ്റ് അലെർട് സിസ്റ്റം ഉൾപ്പടെ ഈ ഇരുചക്ര വാഹനത്തിൽ ഘടിപ്പിച്ചിട്ടുണ്ട്.ഇത്തരം ഹോവറുകൾ നഗരത്തിലെ തിരക്കേറിയ മറ്റ് മേഖലകളിലും സുരക്ഷാ പരിശോധനകൾക്കായി പ്രയോജനപ്പെടുത്താനുള്ള സാധ്യതയും സിറ്റപൊലീസ് പരിശോധിക്കും.