ശബരിമലയിലെത്തുന്ന കുട്ടികള്‍ക്ക് കരുതലായി പോലീസിൻ്റെ ബാൻഡ്
ശബരിമലയിലെത്തുന്ന കുട്ടികള്‍ക്ക് പോലീസിൻ്റെ പ്രത്യേക കരുതല്‍. പമ്പയില്‍ നിന്ന് മലകയറുന്ന പത്തുവയസില്‍ താഴെയുള്ള മുഴുവൻ കുട്ടികളുടെയും കൈയില്‍ കുട്ടിയുടെ പേരും കൂടെയുള്ള മുതിർന്ന ആളുടെ മൊബൈല്‍ നമ്ബരും രേഖപ്പെടുത്തിയ ബാൻഡ് കെട്ടിയാണ് വിടുന്നത്. ഇതുവഴി തിരക്കിനിടയില്‍ കൂട്ടം തെറ്റിപ്പോയാലും വളരെപ്പെട്ടെന്ന് രക്ഷിതാക്കളെ കണ്ടെത്തി അവരുടെ അടുത്തെത്തിക്കാൻകഴിയും. മറ്റ് സ്വാമിമാർക്കും കുട്ടികളെ കൂട്ടം തെറ്റിയതായി ശ്രദ്ധയില്‍പ്പെട്ടാല്‍ സഹായിക്കാൻ ഇതുവഴി സാധിക്കും.കൈയിലെ ഈ തിരിച്ചറിയല്‍ ബാൻഡ് മല കയറി തിരികെ വാഹനത്തില്‍ കയറുന്നതുവരെ കളയാതിരിക്കാൻ ശ്രദ്ധിക്കണമെന്ന് പോലീസ് അധികൃതർ അറിയിച്ചു.