കൊച്ചുവേളി – മംഗലാപുരം റൂട്ടില്‍ സ്പെഷല്‍ ട്രെയിൻ പ്രഖ്യാപിച്ചു
കൊച്ചുവേളി - മംഗലാപുരം റൂട്ടില്‍ സ്പെഷല്‍ ട്രെയിൻ പ്രഖ്യാപിച്ചു. യാത്രക്കാരുടെ തിരക്ക് പരിഗണിച്ച്‌ ആണ് സ്പെഷല്‍ ട്രെയിൻ പ്രഖ്യാപിച്ചത്.
തിരുവനന്തപുരം: കൊച്ചുവേളി – മംഗലാപുരം റൂട്ടില്‍ സ്പെഷല്‍ ട്രെയിൻ പ്രഖ്യാപിച്ചു. യാത്രക്കാരുടെ തിരക്ക് പരിഗണിച്ച്‌ ആണ് സ്പെഷല്‍ ട്രെയിൻ പ്രഖ്യാപിച്ചത്.
ഇന്നാണ് പ്രത്യേക ട്രെയിനിന്റെ ആദ്യ സര്‍വീസ് നടക്കുക. എട്ട് സ്ലീപ്പര്‍ കോച്ചുകളും എട്ട് ജനറല്‍ കോച്ചുകളുമുള്ള ട്രെയിനാണ് യാത്രക്കാർക്കുവേണ്ടി ഒരുങ്ങുന്നത്.
ഇന്ന് വൈകിട്ട് ഏഴ് മണിക്ക് മംഗലാപുരത്ത് നിന്ന് പുറപ്പെടുന്ന ട്രെയിൻ രാവിലെ എട്ട് മണിക്ക് കൊച്ചുവേളിയിലെത്തിച്ചേരും.
കൊച്ചുവേളിയിൽ നിന്ന് ഉച്ചയ്ക്ക് രണ്ടരയ്ക്ക് പുറപ്പെടുന്ന ട്രെയിൻ പുലര്‍ച്ചെ മൂന്ന് മണിക്ക് മംഗലാപുരത്ത് എത്തും. അതുപോലെ, 27 ന് വൈകിട്ട് ഏഴ് മണിക്ക് മംഗലാപുരത്ത് നിന്ന് പുറപ്പെടുന്ന ട്രെയിൻ 28 ന് രാവിലെ എട്ട് മണിക്ക് കൊച്ചുവേളിയിലെത്തുകായും ചെയ്യും. കൊച്ചുവേളിയില്‍ നിന്ന് 28 ന് ഉച്ചയ്ക്ക് രണ്ടരയ്ക്ക് പുറപ്പെടുന്ന ട്രെയിൻ 29 ന് പുലര്‍ച്ചെ മൂന്ന് മണിക്ക് മംഗലാപുരത്ത് എത്തിച്ചേരും എന്ന നിലയിലാണ് സജ്ജീകരിച്ചിരിക്കുന്നത്.
ട്രെയിനില്‍ സീറ്റ് റിസര്‍വേഷൻ ഐആര്‍സിടിസി അടക്കമുള്ള സംവിധാനം വഴി ആരംഭിച്ചു കഴിഞ്ഞു.